கோவிலில் வெள்ளி தகடுகளை திருடிய அர்ச்சக பார்ப்பனர்கள் கைது

   February 04, 2022 • Viduthalai

கும்பகோணம், பிப்.4 மயிலாடுதுறை பரிமள ரெங்கநாதர் கோவிலில் படிச்சட்டத்தின் மீது இருந்த வெள்ளித் தகடுகளை திருடியதாக அர்ச்சகர்கள் 2 பேரை சிலை கடத்தல் தடுப்புப் பிரிவு காவல்துறையினர் கைது செய்தனர்.

மயிலாடுதுறையை அடுத்த திருஇந்தளூர் பகுதியில் பரிமள ரங்க நாதர் கோவில் உள்ளது. இந்த கோவி லில் உற்சவர் சாமி சிலையை தூக்கி செல்ல பயன்படும் படிச்சட்டம் மரத்தால் செய்யப்பட்டு அதன் மேல் வெள்ளித் தகடுகளால் கவசம் இடப்பட்டு இருந்தது.

இந்த படிச் சட்டத்தின் மேல் இருந்த வெள்ளி தகடுகள் கடந்த 2014-ஆம் ஆண்டு வெட்டி எடுக்கப்பட்டு திருட்டு போனது. இதுகுறித்து காவல்துறையில் எந்தவித புகாரும் கொடுக்கப்படவில்லை.

சிலை திருட்டு தடுப்புப் பிரிவு காவல்துறையில் புகார்

இந்த நிலையில் படிச்சட்டத்தில் இருந்த வெள்ளிக் கவசத்தை திருடிய வர்கள், பழைய படிச்சட்டத்திற்கு பதிலாக புதிதாக வெள்ளிக் கவசம் இடப்பட்ட படிச்சட்டத்தை தயார் செய்து கோவிலில் வைக்க முயற்சி செய்வதாக சென்னையை சேர்ந்த வெங்கட்ராமன் என்பவர் சிலை திருட்டு தடுப்பு பிரிவு காவல்துறையில் புகார் மனு அளித்தார்.

இந்த புகாரின் பேரில் காவல்துறையினர் தீவிர விசாரணை நடத்தினர். இந்த விசாரணையில் கோவிலில் இருந்த படி சட்டத்தின் வெள்ளி கவசம் திருடு போனது உறுதி செய்யப்பட்டது.

தீட்சிதர்-பட்டர் கைது

இதனைத் தொடர்ந்து சிலை கடத்தல் தடுப்புப் பிரிவு காவல்துறையினர், படிச் சட்டத்தில் இருந்த வெள்ளித் தகடுகளை திருடிய குற்றவாளிகள் யார்? என்பது குறித்து விசாரணை நடத்தினர்.

காவல்துறையினரின் தீவிர விசார ணையில் சிறீநிவாச ரங்க பட்டர் மற்றும் முரளிதர தீட்சிதர் ஆகிய இருவரும் இணைந்து படிச் சட்டத்தில் இருந்த வெள்ளி தகடுகளை திருடியது தெரிய வந்தது.

இதனைத் தொடர்ந்து இருவரையும் கைது செய்தனர். விசாரணையில் இருவரும் வெள்ளித் தகடுகளை கட்டி களாக உருக்கி மயிலாடுதுறையில் உள்ள ஒரு நகைக்கடையில் கொடுத்து புதிய படிச் சட்டம் செய்ய ஆர்டர் கொடுத்து உள்ளதும், புதிய படிச் சட்டம் செய்வதற்கு நன்கொடை யாளர்கள் மூலம் பணம் கொடுக்க சொல்லி இருப்பதும் விசாரணையில் தெரிய வந்தது.

15 கிலோ வெள்ளிப் பொருட்கள் பறிமுதல்

இதனைத் தொடர்ந்து இருவரும் கொடுத்த ஒப்புதல் வாக்குமூலத்தின் படி மயிலாடுதுறையில் உள்ள சம்பந்தப் பட்ட நகைக்கடைக்கு நேரில் சென்ற காவல்துறையினர், அங்கு புதிதாக படி சட்டம் செய்ய வைத்திருந்த 15 கிலோ வெள்ளிப் பொருட்களை பறிமுதல் செய்தனர்.

தொடர்ந்து இருவரையும் சிலை கடத்தல் தடுப்பு வழக்குகளை விசா ரணை செய்யும் கும்பகோணம் குற்றவியல் நீதித்துறை நடுவர் நீதிமன் றத்தில் நேற்று (3.2.2022) ஆஜர்படுத்தி சிறையில் அடைத்தனர்.

பா.ஜ.க. தலை எடுத்ததால் ஏற்பட்ட நிகர பலன்?

September 23, 2021 • Viduthalai

சாமியார்களின் தலைமை மடங்கள் என்று கூறிக்கொண்டு பல இருந்தாலும், அலகாபாத் பாகம்பரி மடம் தான் அனைத்து சாமியார் மடங்களுக்கும் தலைமையானது என்று கூறப்படுகிறது. இதன் தலைவராக இருந்த சாமியார் நரேந்திர கிரி, அய்யத்திற்கிடமான முறையில் இறந்து கிடந்தார். இதனை அடுத்து இவரது மரணத்தை கொலை வழக்காகப் பதிவு செய்து காவல்துறையினர் விசாரணை செய்துவருகின்றனர்.

அலகாபாத்தில் உள்ள அகில பாரதிய அகாடா பரிஷத் என்ற இந்திய சாமியார்களின் தலைமையிடம், சங்கராச்சாரியார் உருவாக்கிய மடங்கள் மட்டுமே உண்மையானவை என்றும், மற்ற எந்த ஒரு சாமியார் மடமும் போலியானது என்று அறிக்கை விட்டுள்ள இந்த அமைப்பின் தலைவராக இருப்பவர் சாமியார்  நரேந்திர கிரி.

இந்த நரேந்திரகிரி சாமியார் முலாயம் சிங் ஆட்சிக்காலத்திலும், அகிலேஷ் ஆட்சிக் காலத்திலும் பாஜகவின் உதவியால் அரசை கலைத்துவிடுவேன் என்று மிரட்டியவர்.  அதுமட்டுமல்லாமல் உத்தரப் பிரதேச தலைமைக் காவல் ஆணையரின் பல கோடி ரூபாய் மதிப்புள்ள சொத்துக்களை சட்டவிரோதமாக வளைத்துக் கொண்டார். இதன் காரணமாக தலைமை செயலகத்தில் உத்தரப் பிரதேச தலைமைக்காவல் ஆணையரே பட்டினிப் போராட்டம் நடத்தினார். இதனால் அவர் பணி இடைநீக்கம் செய்யப்பட்டார். அந்த அளவிற்கு சாமியார் அரசியலில் தனது ஆதிக்கத்தைக் செலுத்தியிருந்தார்.

 மரணமடைந்த சாமியார் நரேந்திர கிரிக்கு முறையற்ற பெண் தொடர்புகள் அதிகம் உண்டு. இவர் தமது பாதுகாப்பாளராக இருந்தவரின் மனைவியுடன் முறையற்ற தொடர்பு வைத்திருந்து அந்த விவகாரம் வெளியே தெரிந்த உடன் அந்தப் பாதுகாவலருக்குப் பல கோடி மதிப்பிலான மாளிகையை எழுதிக்கொடுத்தார். இதனை அடுத்து ஊர்க்காரர்கள் சில ஆயிரங்கள் மட்டுமே ஊதியமாகப் பெற்று வந்த காவலருக்கு பல கோடி மதிப்பு மாளிகை எப்படி சொந்தமானது என்று கேட்டுப் போராட்டம் நடத்தினர்.

 இந்த விவகாரத்தில் சாமியார் தனது பெயர் வராமல் இருக்க கோடிக்கணக்கான ரூபாய் செலவழித்து எதிர்ப்பாளர்களை மடக்கிய தாகக் கூறப்படுகிறது. இந்த விவகாரம் தொடர்பாக மடத்தை நிர்வகிக்கும் சில நிர்வகிகளுக்கும், சாமியாருக்கும் பிரச்சினை இருந்து வந்தது,

 இந்த நிலையில் இவரது மோசடிகளை வெளிக்கொண்டு வருவோம் என்று மிரட்டிய அவரது முக்கிய சீடர்கள் - பல பெண் களோடு அவர்களும் தொடர்பில் இருந்து மடத்தின் சொத்துக்களை வாரி வழங்கினர். 

சமீபத்தில் சாமியாரின் தலைமை சீடரும், யோகா குரு என்று தன்னைக் கூறிக்கொள்ளுபவருமான   ஆனந்த கிரி முதலமைச்சர் ஆதித்யநாத்தைச் சந்தித்து  தலைமை சாமியார் நரேந்திர கிரி குறித்துப் பல புகார்களை சான்றுகளோடு கொடுத்துள்ளதாக கூறப்படுகிறது.

 இதனைத் தொடர்ந்து தற்போது மரணமடைந்த சாமியார் நரேந்திர கிரி தன்னுடைய சீடர்கள் குறித்த புகாரை கொடுக்க  மோடி, அமித்ஷா,  குடியரசுத்தலைவர் ராம்நாத் கோவிந்த் போன்றவர்களை சந்திக்க முயற்சித்தார். கரோனா காரணமாக அவருக்கு அனுமதி கிடைக்காததால் தனது சீடர்களின் முறையற்ற பாலியல் காணொலிகள், அவர்கள் பெண்களுக்கு எழுதிக்கொடுத்த மடத்தின் சொத்துக்கள் உள்ளிட்டவற்றை மோடிக்கு அனுப்ப முடிவு செய்து சேகரித்து வைத்திருந்தார். இதனை அறிந்துகொண்ட   யோகா குரு என்று தன்னைக்கூறிக்கொள்ளும் ஆனந்த கிரி  கடுமையான மோதலில் ஈடுபட்டார் 

இதையடுத்து, அகாடா பரிஷத் மற்றும் பாகம்பரி மடத்திலிருந்து ஆனந்த் கிரி வெளியேற்றப்பட்டார்.  இந்த நிலையில் தலைமை சாமியார் நரேந்திரகிரி அய்யத்திற்கிடமான முறையில் இறந்து கிடந்தார்.  அவரது அறையில் இருந்த பல பொருட்கள் மற்றும் ஆவணங்கள் காணாமல் போயுள்ளதும் தெரியவந்துள்ளது.

 சாமியார் மடங்களில் இது போன்ற நிகழ்வுகள் நடப்பது புதிதல்ல, அயோத்தியில் உள்ள சாமியார் மடங்களில் வெளிநாடுகளில் இருந்து கூட விலைமாதர்களை சீடர்கள்  என்ற பெயரில் அழைத்துவந்து கூத்தடித்த விவகாரங்கள் காணொலிகளாக வெளியாகி சாமியார்களின் உண்மை முகத்தை வெளிக்கொண்டு வந்துள்ளன.

 இப்படி பல சாமியார்கள் பாலியல் வக்கிரம் கொண்டு அலைவதும், சிக்கிக் கொண்ட பிறகு சொத்துக்களை எழுதிக் கொடுப்பதும் மக்களிடத்தில் அவமதிப்பை ஏற்படுத்தி விட்டது. சாமியார்களின் மோசடிகளைப் பயன்படுத்தி சிலர் சாமியார்களிடம் பெண்களை அனுப்பி அதை ரகசியமாக படம் பிடித்து மிரட்டுவது, அவ்வாறு மிரட்டுபவர்கள் கொலை செய்யப்படுவதும், அலகாபாத், வாரணாசி, பைசாபாத் (அயோத்தியா) போன்ற இடங்களில் பொதுவான காட்சியாக உள்ளது.  ஆனால் இப்போது இந்தியாவிற்கு சாமியார்களின் தலைவராக உள்ள நரேந்திர கிரி மரணம் பெரும் விவாதப்பொருளாகி உள்ளது,

 இவர் 2015 ஆம் ஆண்டு பாலியலைத் தூண்டும் போதை மருந்துகளை கொண்டுவரச்சொன்னதாக டில்லி விமான நிலையத் தில் பிடிபட்ட போதைப்பொருள் கடத்தல்காரர் ஒருவர் கூறியதும் அப்போது பெரும் பரபரப்பை ஏற்படுத்தி இருந்தது குறிப்பிடத்தக்கது

இந்த மடத்திற்கு நாடு முழுவதும் பல கோடி ரூபாய் சொத்துக்கள் உள்ளது குறிப்பிடத்தக்கது. இவை அனைத்தும் பக்தர்கள் நன்கொடையாக கொடுத்தவை ஆகும்.

உ.பி.யில் முதல் அமைச்சராக இருப்பவரே - ஒரு மடத்தின் தலைவராக இருந்தவர்தானே!

பா.ஜ.க. அரசியலில் தலை எடுக்க ஆரம்பித்ததால் ஏற்பட்ட நிகர பலன் இதுதான்!

இந்துராஜ்ஜியம் அமைக்கத் துடிப்போர் பதில் கூறுவார்களா?

சிக்கினார் திருச்சி சாமியார்!

 

            July 22, 2021 • Viduthalai

புதுடில்லி, ஜூலை 22 ரவுடிகள் ‘என்கவுன்ட்டர்' பட்டியல் தொடர் பான ஒலிப்பதிவு சர்ச்சையில் சிக்கிய திருச்சி அல்லித்துறை சாமியாரையும், அவருடன் அலை பேசியில் பேசியதாகக் கூறப் படும் வழக்குரைஞரையும் காவல் துறையினர் நேற்று (21.7.2021) கைது செய்தனர்.

கேரள மாநிலத்தைச் சேர்ந்தவர் பாலசுப்பிரமணியன் (32). தேஜஸ் சுவாமிகள் என்ற பெயரில் கடந்த சில ஆண்டுகளாக திருச்சி மாவட்டம் அல்லித்துறை வன்னி யம்மன் கோயில் பகுதியில் வசித்தபடி ஜாதகம் பார்த்து வருகிறார். வெளிநாட்டு பிரமுகர்கள், அரசியல் பிரபலங் கள், தொழிலதிபர்கள் உட்பட முக்கிய நபர்கள் அதிகளவில் வந்து சென்றதால் குறுகிய காலத்தில் பிரபலமானார்.

இந்நிலையில் ரவுடிகள் ‘என்கவுன்ட்டர்‘ பட்டியல் தொடர்பாகவும், முக்கியப் பிரமுகர் ஒருவரின் வீட்டுக்கு சைரன் காரில் சென்றது தொடர்பாகவும் வழக்குரைஞர் கார்த்திக் என்பவரிடம் சாமியார் பேசுவதுபோன்ற ஒலி பதிவுகளை சமூக வலைதளங்களில் வெளியாகி பரபரப்பை ஏற்படுத்தின. இதுகுறித்து சாமியாரிடம் ஜீயபுரம் காவல் துறை கண்காணிப்பாளர் செந்தில்குமார் தலைமையிலான காவல்துறையினர் விசாரணை நடத்தினர். அப்போது தனக்கும் அந்த ஒலிபதிவுக்கும் தொடர்புஇல்லை என சாமியார் தெரிவித்தார்.

மேலும், தனது பெயருக்கு களங்கம் விளைவிக்க வேண்டும் என்பதற்காக சிலர் இவ்வாறு செய்துஇருப்பதாக சோமரசம்பேட்டை காவல் நிலையம், சைபர் கிரைம்பிரிவு ஆகியவற்றில் சாமியாரும் கடந்த 12ஆம் தேதி புகார் அளித்திருந்தார்.

இந்நிலையில் திருச்சி மாநகர காவல் ஆணையர் அருண் உத்தரவுப்படி தனிப்படை காவல்துறையினர் நேற்று  (21.7.2021) அதிகாலை அல்லித்துறையில் உள்ள வீட்டுக்குச் சென்று சாமியாரைப் பிடித்து ரகசிய இடத்தில் வைத்து விசாரணை மேற்கொண்டனர்.

அதேபோல ரவுடிகள் பட்டியல் குறித்து சாமியாருடன் அலைபேசியில் பேசியதாக கூறப்படும் வழக்குரைஞரான கார்த்திக் என்பவரையும் பிடித்து விசாரித்தனர். அதில் கிடைத்த தகவல்களின் அடிப்படையில் 6 பிரிவுகளின் கீழ் பொன்மலை காவல்துறையினர் வழக்குப் பதிவு செய்து சாமியார், வழக்குரைஞர் ஆகிய இருவரையும் கைது செய்தனர். அவர்களிடம் தொடர்ந்து விசாரணை நடத்தப்பட்டு வருகிறது.

இதுகுறித்து காவல்துறையினர் கூறும்போது, பொன் மலை பகுதியைச் சேர்ந்த டாஸ்மாக் மேற்பார்வையாளர் சுந்தர்ராஜை, அதே பகுதியைச் சேர்ந்த ரவுடி கொட்டப் பட்டு ஜெய், பணம் கேட்டுமிரட்டியுள்ளார். இதுதொடர்பான புகாரின்பேரில் ரவுடியை காவல்துறையினர் தேடி வந்தனர்.

இதையடுத்து, இந்த வழக்கிலிருந்து தன்னை விடுவிக்க உதவுமாறு அல்லித்துறை சாமியாரிடம் ரவுடி கொட்டப்பட்டு ஜெய் முறையிட்டதைத் தொடர்ந்து, புகார் அளித்த டாஸ்மாக் மேற்பார்வையாளர் சுந்தர்ராஜை சாமியார், வழக்குரைஞர் கார்த்திக் உள்ளிட்டோர் மிரட்டியுள்ளனர். இந்தப் புகாரின் அடிப்படையிலேயே சாமியார், ரவுடி கொட்டப்பட்டு ஜெய், வழக்குரைஞர் கார்த்திக் கைது செய்யப்பட்டுள்ளனர் என்றனர்.

Home -> 2011 இதழ்கள் -> மே 16-31 -> சர்ச்சை பாபா

2011 இதழ்கள் -> மே 16-31 

சர்ச்சை பாபா

மனிதரில் புட்டபர்த்தி சாய்பாபாவும் ஒரு மனிதர்; நமக்கு ஒன்றும் மாற்றுக் கருத்தில்லை. ஆனால், அவர் மனிதராக மட்டுமே இருந்திருக்கவில்லை. பகவானாகவும்(?) இருந்தார். அதனால்தான் சர்வசக்தி படைத்த அந்த பகவானுக்கு உடல்நிலை சரியில்லாமல் போகலாமா எனக் கேட்க வேண்டியவர்களாக இருக்கிறோம். அவர் மருத்துவமனை அமைத்தார்;அதில் ஏழைகளுக்கு இலவச மருத்துவம் அளித்தார்; இது நல்ல செயல்தான்,வரவேற்கிறோம். ஆனால், இந்த நலப்பணிகள் செய்ய அவர் என்ன செய்து பணத்தை ஈட்டினார்? தன்னைச் சர்வசக்தி உள்ளவராகக் காட்டிக்கொண்டார். அதற்காக சில தந்திரங்களைக் கையாண்டார். அதில் ஒன்று, பகவான் பாபா நோயுற்ற ஒருவரைத் தொட்டார்; அந்த நோயாளியின் நோய் குணமானது என தன் பக்தர்களை நம்பச் செய்தது. இந்தச் செய்தியைப் பரப்பி அப்பாவிப் பக்தர்களைக் கவரும் போதுதான் பகுத்தறிவாளர்கள் கேட்டார்கள். சரி,இது உண்மையானால் சாய்பாபா ஏன் மருத்துவமனை கட்ட வேண்டும்? நோயாளிகளையெல்லாம் வரிசையாக நிற்க வைத்து சாய்பாபா அவர்கள் மீது கையை வைத்தால் போதுமே! நோய் பறந்தோடிவிடுமே!

அவ்வளவு ஏன், தனக்கே உடல்நிலை சரியில்லாத போது ஏன் மருத்துவமனையில் போய் படுத்துக் கொண்டார். அவர் பகவான் அல்லவா? அவருக்கு உடல்நலக் கோளாறு ஏற்படலாமா?

இந்த சாய்பாபாவுக்கு முன்பு இருந்த சாமியார்கள் எல்லாம் பெரும்பாலும் பரம்பரையாக மடங்களை நடத்திவந்தவர்கள் மட்டும்தான்.அவர்கள் எந்த சித்து வேலைகளையும் செய்ததில்லை. தங்களின் சமயப் பிரச்சாரங்களை மட்டும்தான் செய்து வந்தார்கள்.இந்த சாய்பாபாதான் வெறும் கையில் லிங்கம் எடுப்பது, விபூதி கொடுப்பது, தங்கச் சங்கிலி கொடுப்பது என மாஜிக் வேலைகளைச் செய்து மக்களை ஏமாற்றியவர்.இவர்தான் தனியே ஒருவர் சாமியார் தொழில் செய்து பணம் ஈட்டலாம் என்னும் புதுத் தொழிலைக் கண்டுபிடித்தவர். இன்று நாட்டில் இருக்கும் பல சாமியார்களுக்கு இவர்தான் முன்னோடி. சுதந்திர இந்தியாவில் அறிவியல் வளர்ச்சி ஏற்பட்ட காலகட்டத்தில் மக்களைப் பின்னோக்கி இழுத்துச் சென்றவர்; மூடநம்பிக்கை நோயை அறிவியலின் துணையோடு பரப்பியவர். இதனை யார்தான் மறுக்கமுடியும்?

சாய்பாபா மறந்த நிலையில் அவரைப் புகழ்கின்றவர்கள் அவரது மருத்துவப் பணிகளை, இன்னும் சில மக்கள் தொண்டுகளைப் பாராட்டுகிறார்கள். இது அவரது ஒரு முகம். இதுவும், அவரது இன்னொரு முகத்தை மறைக்க அவர் அணிந்துகொண்ட முகமூடி முகம் அவ்வளவுதான். சுயமாகப் பொருளீட்டித் தொண்டு செய்பவர்களும், மூடநம்பிக்கையால் மக்களை ஏமாற்றிப் பொருள் சேர்த்து அதன் மூலம் தொண்டு செய்பவர்களும் ஒன்றா?

ஒருவர் இறந்து விட்டதாலேயே அவர் புனிதர் என்றும், அவரைக் குற்றமற்றவர் என்றும் சொல்லிவிட முடியுமா?

சாய்பாபாவைப் பற்றி நினைவுகூறுபவர்கள் அவரது அறப்பணிகளை மட்டும் கூறவில்லை.அவரது அற்புதங்களையும் கூறுகிறார்கள்.அதனால்தான் பகுத்தறிவாளர்களும் அந்த அற்புதங்களை அவர் எப்படி நிகழ்த்தினார் என்பதை எடுத்துச் சொல்லவேண்டியவர்களாக இருக்கிறார்கள். அது மட்டுமல்ல, அவரது குற்றச் செயல்களையும் எடுத்துச் சொல்லவேண்டிய அவசியம் நேருகிறது.

சாய்பாபா செய்யும் மோசடிகளை முதன்முதலில் தோலுரித்துக் காட்டியது திராவிடர் கழகம்தான். அவர் எப்படி தன் கையில் இருந்து விபூதி வரவழைக்கிறார்? வாயில் இருந்து லிங்கம் எடுக்கிறார்? என்பனவற்றையெல்லாம் மக்களிடம் விளக்கியது. தொடர்ந்து இந்தப் பணிகள் பல்லாண்டுகளாக நடைபெறுவது ஒருபுறம் இருக்க, சாய்பாபாவின் புட்டபர்த்தி ஆசிரமத்தில் நடந்த குற்றச்செயல்களை வெளிப்படுத்துவதற்கென்றே பல வெளிநாட்டினர் தனியே இணையதளத்தையே தொடங்கி அதில் சாய்பாபாவின் சமூக விரோதச் செயல்களைப் பட்டியலிட்டுக் காட்டுகின்றனர். ஆஹா பார்த்தீர்களா... வெள்ளைக்காரர்கள்கூட சாய்பாபாவின் பக்தர்களாக இருக்கிறார்கள் என்று இங்கே சிலர் சொல்லிவருவதைப் பார்க்கிறோம். அந்த வெள்ளைக்காரர்களில் சிலர்தான் சாய்பாபாவின் ஒழுக்கக்கேடுகளை இந்த இணையதளத்தில் அம்பலப்படுத்தியுள்ளனர். www.exbaba.com என்ற இணைய தளம் பாபாவை அக்குவேறு ஆணிவேறாக புட்டுப் புட்டு வைத்திருக்கிறது.  சாய்பாபா பற்றி பொது மக்களுக்குத் தெரிவிக்க வேண்டும் என்பது இந்த இணையதளத்தின் நோக்கமாகும்.  ஏழு முதல் முப்பது வயது வரையுள்ள அவருடைய ஆண் பக்தர்களுடன் சாய்பாபா வைத்திருந்த பாலியல் உறவுகளைப்பற்றி நிறையச் செய்திகள் காணப்படுகின்றன.

இந்த இணைய தளத்தில், டேவிட், மற்றும் ஃபயே பெய்லி ஆகியோரின் கண்டுபிடிப்புகள் (Findings) எனும் அதிகாரப்பூர்வமான ஆவணம் இங்கு முதல் இடத்தைப் பெறுகிறது. டேவிட் மற்றும் ஃபாயே பெய்லி நீண்டகாலம் சாய்பாபாவின் பக்தர்களாக இருந்தவர்கள்.  தவறான பாலியல் உறவு, மோசடி, கொடுக்கப்பட்ட நிதியைத் தவறாகப் பயன்படுத்தியது ஆகியவற்றுடன், சாய் பாபாவைக் கொலை செய்ய முயன்ற ஒரு செய்தியை அவர்கள் சொல்லுகிறார்கள்.  அதன் விளைவாகப் பல முக்கியமானவர்கள் சாய்பாபா இயக்கத்தில் இருந்து வெளியேறி விட்டனர்.

பெய்லியின் கண்டுபிடிப்புகளும், அவற்றிற்கு முன்னும் பின்னும் சொல்லப்பட்ட ஒவ்வொன்றும் இந்த இணையதளத்தில் ஆங்கில மூலத்தில் தரப்பட்டிருக்கிறது.  முந்தைய பக்தர்கள் டச்சு மொழியில் கொடுத்துள்ள செய்திகள் ஆங்கில மொழிபெயர்ப்புகளாகத் தரப்பட்டுள்ளன.

சொல்லப்படும் செய்திகளை நம்ப முடியாமல் தலையாட்டுபவர்கள்கூட, திறந்த மனத்துடன் இணைய தளத்தைத் தொடர்ந்து படிப்பார்கள் என நம்புகிறோம்.  தங்களுடைய சொந்த ஆராய்ச்சியை மேற்கொள்ளத் தொடங்க ஆவல் கொள்ளுவார்கள் எனவும் நம்புகிறோம்.  உதவி செய்யவும் மேற்கொண்டு தகவல்களைத் தரவும் பலர் இருக்கிறார்கள் என்று இவர்கள் கூறுகிறார்கள்.

பாபாவின் போதனைகளில் முக்கியமாக வரும் பாலியல் பக்தரின் ஆன்மீகக் கண்ணோட்டத்தைக் குறைத்துவிடுகிறது.  அவரின் ஆஸ்ரமத்தில் ஆண்களும் பெண்களும் தனித் தனியாகத்தான் தங்க வைக்கப்படுகின்றனர். திருமணமான தம்பதிகள் மட்டும் சேர்ந்து இருக்கலாம்.  கடந்த சில ஆண்டுகளாக இது மாறிவிட்டது.  ஆண் பக்தர்களை மட்டும் பாபா தனியாக அழைத்து தரிசனம் தருகிறார்.  அப்போது எவரும் உடன் இருப்பதில்லை.  எந்தப் பெண்ணையும் அவர் தனியாக அழைத்துப் பேசுவதில்லை.

பாபாவின் ஓரினச் சேர்க்கை பற்றி முதன் முதலாக எழுதிய அமெரிக்கா தால் ப்ரூக் 1970 - 71- இல் பாபாவுடன் ஒன்றரை ஆண்டுகள் தங்கியிருந்தார்.  தனி தரிசனங்களின் போது பாபா அவரைத் தழுவிக் கொண்டு அவரது பாலுணர்வைத் தூண்டினார் என்று அவர் கூறினார்.

1980-இல் மலேசிய இந்திய மாணவர்கள் ஒரு பெரும் பிரச்சினையை எழுப்பினர்.  சாய்பாபா தங்களைப் பாலியல் ரீதியாகப் பயன்படுத்திக் கொண்டதாக அவர்களில் பலர் கூறியது ஒலி நாடாவில் பதிவு செய்யப்பட்டுள்ளது.  பாபா நிறுவியுள்ள கல்லூரியில் படித்துக் கொண்டிருந்தபோது, பாபா தங்களைக் கெடுத்துவிட்டதாக பல மலேசிய இந்திய மாணவர்கள் கூறினர்.

இங்கிலாந்தைச் சேர்ந்த கெய்த் ஹார்ட் என்பவர் 1990 இளவேனில் காலத்தில் பாபாவைத் தனியாகச் சந்தித்தபோது அவரைத் தழுவிக் கொண்ட பாபா அவரின் உறுப்பைத் தூண்டிவிட்டதாகக் கூறப்பட்ட பிரச்சினை ஹாலந்தில் 1992 ஜனவரியில் பேசப்படத் தொடங்கியது.

கடந்த ஆண்டு இதுபோன்ற பல கதைகள் வெளிவந்தன.  இண்டர்நெட்டிலும் பத்திரிகைகளிலும் வந்த செய்திகளைத் தொகுத்து 20 புகார்கள் பட்டியலிடப்பட்டுள்ளது.  இவற்றில் 10 நிகழ்ச்சிகளைப் பற்றி சம்பந்தப்பட்டவர்களே நேரில் கூறியுள்ளனர்.  மற்ற 10 நிகழ்ச்சிகளில் இரண்டாம் தரப்பு மனிதர்கள் தகவல் தந்துள்ளனர்.

இத்தகைய தனிச் சந்திப்புகளின்போது பாபாவுடன் பாலியல் தொடர்பு கொண்டதாக அமெரிக்காவைச் சேர்ந்த தால் ப்ரூக், சாம், யங், 15 வயதுச் சிறுவன், ஸ்வீடன் நாட்டைச் சேர்ந்த கான்னி லார்சன் இங்கிலாந்தின் கெயித் ஹார்டு, இரானின் செயித் கொராம் ஷெகல், ஜெர்மனியின் ஜென்ஸ் சேத்தி, ஆஸ்திரேலியாவின் ஹான்ஸ் டி க்ரேகர் ஆகிய 8 பேர் நேரடியாகத் தகவல் தந்துள்ளனர்.

பாபாவுடன் 16 ஆண்டுகளாகப் பாலியல் உறவு கொண்டதாக இந்தியாவைச் சேர்ந்த டாக்டர் பாடியா தெரிவித்துள்ளார்.  1986_இல் பாபாவைச் சந்தித்த 23 வயது ஸ்வீடன் இளைஞர் (பின்னர் தற்கொலை செய்து கொண்டார்).  இங்கிலாந்து நாட்டு மைக்கேல் பெண்டர் (பின்னர் தற்கொலை செய்து கொண்டார்) 1989-இல் பாபாவைப் பலமுறை தனியாகச் சந்தித்தவர், ஸ்வீடன் நாட்டைச் சேர்ந்த 18 வயதுச் சிறுவன் 1998-1999-இல் பாபாவை 8 முறை தனியாகச் சந்தித்தவன், மற்றும் இந்திய மாணவர்கள் பலரும் சாய்பாபா தங்களுடன் பாலியல் உறவு கொண்டதாக ஒப்புக் கொண்டு தகவல் தந்துள்ளனர்.

பாபாவைத் தனியாகச் சந்தித்த போது தங்களின் உறுப்புகளைத் தூண்டிவிட்டதாக அமெரிக்காவின் எம்.டி., ஜெட் கெயர்ஹான், நெதர்லாந்தின் மாத்திஜிஸ் வான்டெர் மீர், இங்கிலாந்தின் டேவிட் பால் டிப்மெக் ஆகியோர் தகவல் தந்துள்ளனர்.

இதுவரை படித்தது பாலியல் குற்றச்சாட்டு.இனி கொலைக் குற்றச்சாட்டு.

சாய்பாபாவின் ஆசிரம வளாகத்தில் கொல்லப்பட்டவர்கள்

1993- ஆம் ஆண்டு ஜூன் மாதம் 6- ஆம் தேதி இரவு பத்தரை மணி அளவில் புட்டபர்த்தியில் உள்ள சாய்பாபா ஆசிரமமான பிரசாந்தி நிலையத்தில் உள்ள கோயிலுக்குப் பக்கத்திலிருக்கும் சாய்பாபாவின் அடுக்குமாடிக் குடியிருப்பில் அவரது படுக்கை அறையில் இருந்த அபாயச் சங்கு ஒலித்தது.

புட்டபர்த்தி நகரத்தையே எழுப்பிய இந்த ஒலியைக் கேட்டு, ஆயிரக்கணக்கான பக்தர்கள் கைத்தடிகளுடன் பாபாவின் படுக்கையறை நோக்கி ஓடினர்.

ஒருசிலர் மட்டுமே உள்ளே அனுமதிக்கப்பட்ட நிலையில், முதல்மாடியில் தங்கியிருந்த சாய்பாபா தனது அறையின் பின்பக்கக் கதவைத் திறந்து இன்னொரு  அறைக்குச் சென்றார்.

ஒருமணி நேரம் கழித்து புட்டபர்த்தி காவல்நிலைய ஆய்வாளர் கே.என். கங்காதர் துப்பாக்கிகளுடன் வர துப்பாக்கிகள் சுடும் சத்தம் 12 முறை கேட்டது.

அடுத்ததாக ஒரு லோக்கல் போலீஸ் ஃபோட்டோகிராபர் புகைப்படம் எடுத்துவிட்டு வெளியே வந்து சொன்னபோதுதான்.... அங்கு என்ன நடந்தது என்பதை அறிய முடிந்தது.

தரைத் தளத்தில் பாபாவின் ஓட்டுநர் ராதாகிருஷ்ணமேனன், அவரது பியூன் மகாஜன் ஆகியோர் கோடரிகளால் வெட்டிக் கொல்லப்பட்டுள்ளார்கள்.

மேலே ஒரு அறையில் சாய்பாபாவின் கல்லூரியில் படிக்கும் சுரேஷ்குமார், சாய்குமார் என்கிற இரண்டு மாணவர்களும், மரைன் என்ஜினியரான சாந்தாராம் ஜெகன்னாத் என்கிற பக்தரும் போலீசாரால் சுடப்பட்டு பிணமாகக் கிடக்கிறார்கள்.

பாபாவின் அந்தரங்க உதவியாளரான பாப்பையா ரத்தம் சொட்ட நின்று கொண்டிருக்கிறார்.  அந்தக் குடியிருப்பில் பிணங்களோடு கட்டுக் கட்டாக இந்திய , அமெரிக்க ரூபாய் நோட்டுகளும் சிதறிக் கிடக்கின்றன என ஃபோட்டோகிராபர் சொன்னதைக் கேட்டுப் பதறிய பக்தர்கள், பாபாவுக்கு ஒன்றும் ஆகவில்லையே என்று கேட்கிறார்கள்.  அவர்களுக்கு, பாபாவின் சகோதரர் ஜானகிராமன், போலீஸ் சுட்டுக் கொன்றார்களே இந்த 4 பேரோடு விஜய், ரவீந்திரா என மொத்தம் 6 பேர் கோடரிகளோடு பாபாவைக் கொலை செய்ய வந்தார்கள்.  அவர்களைத் தடுத்த டிரைவரையும் பியூனையும் கொலை செய்துவிட்டு பாபாவின் படுக்கை அறைக்குள் நுழைந்து அவரைக் கொல்லப் பார்த்தார்கள்.  அதைத் தடுத்த அந்தரங்க உதவியாளர் பாப்பையாவைக் கொல்ல முயலும்போது விழித்துக் கொண்ட பாபா, அவர் அறையிலிருந்த அலாரத்தை அலற வைத்துவிட்டு பின்கதவு வழியாகத் தப்பித்துச் சென்றுவிட்டார்.  கொலைகாரர்கள் 4 பேர் அறையில் பதுங்கிக் கொண்டார்கள்.  விஜய், ரவீந்திரா ஆகியோர் தப்பி ஓடிவிட்டார்கள்.  அறைக்குள் இருந்த 4 பேரையும் போலீஸ் பிடிக்க முயன்றபோது அவர்கள் போலீசைத் தாக்கினார்கள்.  போலீஸ் அவர்களைச் சுட்டுக் கொன்றுவிட்டது என்றார்.

ஜூன் 7-ஆம் தேதி நடைபெற்ற  இது உலக மக்கள் அனைவரின் கவனத்தையும் ஈர்த்தது.   அப்பொழுது வெளியான புகைப்படங்களில் சுட்டுக் கொல்லப்படுவதற்கு முன்பு கொலையாளிகளை நன்கு அடித்ததற்கான அடையாளங்கள் இருந்தன.  கொலைச் சம்பவத்தைப் பற்றி எழுத்து மூலமாக யாரும் போலீசில் புகார் கொடுக்கவில்லை எனவே, சம்பவம் நடந்த 12 மணி நேரம் கழித்த பிறகு காவல் நிலைய ஆய்வாளர் கங்காதர் கொடுத்த புகாரின் அடிப்படையில் ஒரு வழக்குப் பதிவு செய்யப்பட்டது என பத்திரிகைகள் எழுதின.

அப்போதைய மத்திய அமைச்சர் சவான் உட்பட வி.அய்.பிக்கள் பலர் வந்து பார்த்தனர்.  ஒருவாரத்திற்குப் பின்பு பக்தர்கள் மத்தியில் பேசிய பாபா, என்னை யாரும் கொலை செய்ய வரவில்லை என்றார்.  ஒரு மாதம் கழித்து தப்பி ஓடிய விஜய், ரவீந்திரா மகாராஷ்டிரா போலீஸாரால் கைது செய்யப்பட்டனர்.  நாங்கள் பாபாவுக்கு மிகவும் நெருக்கமான பக்தர்கள். பாபாவுக்கு வரும் நன்கொடைகளைச் சிலர் திருடுகிறார்கள்.  இதை பாபாவிடம் சொல்லப் போனோம்.  ஆதாராம் தாருங்கள் நடவடிக்கை எடுக்கிறேன் என்று பாபா சொல்லிக் கொண்டிருக்கும்போது - கீழ் அறையில் ஓட்டுநரை யாரோ அடிக்கும் சத்தம் கேட்டது.  பாபா அறையில் இருந்த அலாரத்தை  இயக்கினார்.  எங்களுடன் வந்த 4 பேரும் ஓரிடத்தில் ஒளிந்து கொண்டனர்.  நாங்கள் தப்பித்துவிட்டோம்.  பாபாவின் படுக்கையறைக்குப் பல முறை வந்து சென்ற பழக்கமுடையவர்கள் நாங்கள் என்றார்கள்.

எந்தவித அசம்பாவிதச் சம்பவமும் நடக்கவில்லை என்ற பாபாவின் பேச்சைத் தொடர்ந்து, லோக்கல் போலீஸ், சி.பி.அய். விசாரணை வரை சென்ற அந்த வழக்கில் 18 வருடங்களாகியும் குற்றப்பத்திரிகை கூட தாக்கல் செய்யப்படவில்லை.  எங்களுக்கு நியாயம் வேண்டும் என கோரிக்கை வைக்கிறார்கள் இறந்தவர்களின் உறவினர்கள்.

இதுவும் பாலியல் குற்றச்சாட்டுதான்.

6.-12.-2000 நாளிட்ட இந்தியா டுடே இதழில் வெளிவந்தது.

பாபா ஆசிரமப் பள்ளி, கல்லூரிகளில் உள்ள இளம் மாணவர்களையும் பாபா பாலியல் பாலாத்காரத்திற்கு உட்படுத்தியுள்ளார்.  தற்போது சிங்கப்பூரில் வேலை பார்க்கும் கிருஷ்ணகுமார், என் வகுப்புத் தோழர்களில் நான்கு பேர் எப்படி பாபா அவ்வப்போது தங்கள் உறுப்பில் எண்ணெய் தடவிப் பார்ப்பார் என்று விவரித்திருக்கிறார்கள் என்கிறார்.

ஆனால், பாபாவின் மோகம் முப்பது நாள்தான்.  பாபா கைவிட்ட பையன்கள் மிகுந்த நையாண்டிக்கும் மன உளைச்சலுக்கும் பதற்றத்திற்கும் ஆளாவார்கள்.  இதை வெளியாரிடம் ஏன் பெற்றோரிடமேகூடச் சொல்ல முடியாது.  ஏனெனில்,  அவர்களே பாபா பக்தர்களாக இருப்பதுதான் காரணம்.

இந்தியாவில் தற்போதைக்கு பாபா மீது குற்றச்சாட்டுகள் எதுவும் பதிவாகவில்லை.  அப்படியெனில் பெரும்பாலான பாபாவின் பாலியல் ஒழுங்கீனங்கள் மேற்கத்திய நாட்டினருடன் மட்டுமே நடந்ததா?  அமெரிக்கரான ஜெட் கேயெஹார்ன் இதை மறுக்கிறார்.  பாபா தன்னை 16 வயதில் பாலியல் பலாத்காரம் செய்ததாகச் சொல்லும் அவர் மேற்கத்திய இளைஞர்கள் பயமின்றி வெளியே சொல்கிறார்கள்.  இந்தியச் சிறுவர்கள் உள்நாட்டிலேயே இருப்பதால் பயத்தில் மூச்சு விடுவதில்லை; அவ்வளவுதான்என்கிறார்.  பாபாவிற்கு இந்தியாவெங்கும் செல்வாக்கு இருப்பதை விமர்சகர்கள் சுட்டிக்காட்டுகிறார்கள்.

மேற்கத்திக்காரர்களில்கூட ஒருவரைத் தவிர வேறு யாரும் பாபாவுக்கு எதிராக நீதிமன்றம் செல்லவில்லை.  எல்லாக் குற்றச்சாட்டுகளும் இந்தியச் சட்ட வரம்பிற்கு உட்பட்டவையாதலால் பாபாவைக் கோர்ட்டுக்கு இழுக்கும் செல்வாக்கு தங்களுக்கு இல்லை என்பதைப் பாதிக்கப்பட்டவர்கள் உணர்ந்திருப்பதே காரணம் என்கிறார்கள் விமர்சகர்கள்.  தவிர, இந்தியாவில் வழக்கைப் பதிவு செய்தாலும் ஓரினச் சேர்க்கை வன்முறையை நிரூபிப்பது கடினம்.  அத்தகைய குற்றம் இ.பி.கோ. பிரிவு 377- இன் கீழ் வரும் என்றும் இதன்படி ஹோமோசெக்ஸூவல் வன்முறை (ஸோ டோமி) உறவு சட்டப்படி தவறு என்று வகைப்படுத்தப்பட்டுள்ளது என்று கிரிமினல் சட்ட வல்லுநர்கள் கூறுகிறார்கள்.  ஆனால், எழுந்துள்ள புகார்களில்  எதுவுமே வன்முறை பற்றிச் சொல்லாததால் முறை கேடாக நடந்து கொண்டதை நிரூபிப்பது கடினம் என்கிறார்கள்.

ஆனால், முன்னாள் சாய் பாபா பக்தர்கள் விடுவதாக இல்லை என்கிறார்கள்.  ஏதாவது ஒரு வகையில் சட்ட நடவடிக்கையை முடுக்கிவிட்டால் நெருக்கடி தாங்காமல் ஏதேனும் நடக்கும் என்று அவர்கள் கருதுவதாகத் தெரிகிறது.  பாபாவின் பக்தராக 26 வருடங்கள் இருந்த க்ளென் மெலாய் என்பவர் தற்போது பாபாவால் பாதிக்கப்பட்டவர்களை ஒன்று திரட்டி வருகிறார்.  ஒரு காலத்தில் பாபாவைக் கடவுளுக்கும் கடவுளாக ஈடுபாடு காட்டி மதித்தேன்.  இப்போது அவரது முகத்திரையைக் கிழிப்பதில் உறுதியாக இருக்கும் ஒருவருடன் நீங்கள் பேசிக் கொண்டிருக்கிறீர்கள். என்கிறார் உறுதியோடு.  ஆனால், உண்மைதான் பிடிபடாமல் நழுவுகிறது.

- சான்ஃபிரான்ஸிஸ்கோவிலிருந்து ஆர்தர் ஜே.பயஸூடன்.

சிட்னியைச் சேர்ந்த ஹன்ஸ் டி க்ரேகர் 5 ஆண்டுகள் பாபாவின் தீவிர பக்தராக இருந்தார்.  நவம்பர் 12 தேதியிட்ட த சண்டே ஏஜ் என்ற பத்திரிகையில் முதல்முதலில் பாபாமீது செக்ஸ் குற்றம் சுமத்தினார்.

குற்றச்சாட்டு (அவர் இந்தியா டுடேக்குக் கையெழுத்திட்டு அனுப்பிய கடிதத்தின்படி): நான் அவர் காலைத் தொட்டு வணங்கிய போது அவர் என் தலையை அவரது இடுப்புப் பகுதியில் வைத்து அமுக்கினார்.  அவர் பிடி லேசாகத் தளர்ந்ததும் நான் என்னை விடுவித்துக் கொண்டேன்.  பாபா அவர் ஆடையை விலக்கி அரை குறையாக எழும்பியிருந்த அதைக் காட்டினார்.  நீ அதிர்ஷ்டசாலி என்று சொல்லி அவர் இடுப்பை என் முகத்தில் அழுத்தப் பார்த்தார்.  நன்கு யோசித்த பிறகு நான் இதைச் செய்ய இங்கு வரவில்லை என்று முடிவு செய்தேன்.  அவர் மனம் தான் எனக்கு வேண்டும் என்று பாபாவிடம் சொன்னேன்.  அவர் தன் உடைகளைக் களைந்துவிட்டு, அவர் மனம் என்னிடம்தான் இருப்பதாகச் சொன்னார்.  இப்படி கையும் களவுமாக மாட்டிக் கொண்டார் பாபா.

என்ன நிலை? பாபாவுக்கு எதிராக க்ரேகர் காவல் துறையில் புகார் எதுவும் இதுவரை கொடுக்கவில்லை.  ஆசிரம நிருவாகமோ பதில் சொல்ல மறுக்கிறது.

ஜேன் சேத்தி ம்யூனிச்சுக்குக் குடியேறிய ஜெர்மானியர் ஒருவர் பத்து ஆண்டுகள் பாபாவின் விசுவாசியாக இருந்தார்.  செப்டம்பர், 18 தேதியிட்ட ஃபோகஸ் என்ற இதழில் பாபாமீது செக்ஸ் குற்றம் சுமத்தினார்.

குற்றச்சாட்டு (அவர் இந்தியா டுடேக்குக் கையெழுத்திட்டு அனுப்பிய கடிதத்தின்படி): ஒரு தனி அறையில் வைத்து பாபா என்னை அருகில் வரச்சொன்னார்.  என் உதட்டோடு உதடாக முத்தமிட்டார்.  பயப்படாதே.  இது நல்ல வாய்ப்பு.  இதற்காக பலர் மாதக் கணக்கில் காத்திருக்கிறார்கள்.

அவர்களுக்கெல்லாம் கிடைக்காதது உனக்குக் கிடைத்திருக்கிறது என்றார்.  பேன்ட் ஜிப்பை அவிழ்த்து, அந்தப் பாகத்தில் கை வைத்தார்.  ஆனால், என்னுடைய அது எழும்பவில்லை.  காரணம், எனக்கு செக்ஸில் ஆர்வமில்லை.  நான் மிகவும் வெறுத்துப் போனேன்.  அது ரொம்பத் தளர்வா இருக்கு.  ஆற்றலை வீணாக்காதே என்று அசிங்கமாகப் பேசினார்.  அன்றுதான் அவர் சுய ரூபத்தைப் புரிந்துகொண்டேன்.

என்னநிலை:  சேத்தி ம்யூனிச்சில் பாபாவுக்கு எதிராக வழக்குப் பதிவு செய்திருக்கிறார்.  ஆசிரமம் இந்த விஷயத்திலும் கருத்துத் தெரிவிக்க மறுத்துவிட்டது.

ஸ்வீடனின் கானி லார்சான் 21 வருடங்களாக பாபா பக்தர்.  அவரது குற்றச்சாட்டுகளின் ஒரு பகுதி லண்டன் த டெய்லி டெலிகிராப் நாளிதழில் அக்டோபர் 20 அன்று வெளியானது.

குற்றச்சாட்டுகள் (இந்தியா டுடேயிடம் கூறியபடி): பாபா என்னைப் பல தனிப்பட்ட நேர்காணலுக்காக அழைத்தார்.  அவர், தான் கடவுளென்றும் எனது பிரச்சினைகளைத் தீர்க்க உதவுகிறேன் என்றும் சொன்னபோது நம்பினேன்.  ஆனால், அவர் எனது பிறப்புறுப்புகளைத் தொட்டு எண்ணெய் பூசி விட்டார்.  மைதுனம் செய்துவிட்டார்.  அவருக்கும் அதையே செய்யுமாறு என்னையும் கேட்டார்.  அவர் என்னோடு பலமுறை ஓரல் செக்ஸிலும் ஈடுபட்டார்.  அவர் என்னிடமும் அப்படியே செய்யும்படிக் கேட்டபோது நான் பின்வாங்கினேன்.

நிலைமை:  முறையாக புகார் பதிவு செய்யப்படவில்லை.  ஆசிரமம் வாய் திறக்க மறுக்கிறது.

நிழல் ஆட்டம்

சர்ச்சை என்பது சாய்பாபாவுக்கு இன்னொரு பெயர்.  ஒன்றுகூட நிரூபிக்கப்படவில்லை யென்றாலும் அவர் மீது அடுக்கடுக்கான குற்றச்சாட்டுகள் கூறப்பட்டுள்ளன.

இவை சாய்பாபாவின் இன்னொரு முகத்தைக் காட்டும் செய்திகள். சில ஆண்டுகளுக்கு முன்னால் சர்ச்சையில் சிக்கிய திருவண்ணாமலை நித்தியானந்தாவைக் கொஞ்சம் நினைவுபடுத்திப் பாருங்கள். இவரைப் போன்ற பலருக்கும் முன்னோடியாகத் திகழ்ந்தவர்தான் தற்போது மறைந்த சத்ய சாய் பாபா. பகவானின் மீதான பாலியல் குற்றச்சாட்டுகளும், கொலைக் குற்றச் சாட்டுகளும், குற்றங்களும் இன்னும் அப்படியே இருக்கின்றன.     ஆனால், மதச் சார்பற்ற நாடு என்று அரசியல் சட்டம் வருணிக்கும் இந்தியா, இந்த பகவானுக்கு அரசு மரியாதை கொடுத்து அடக்கம் செய்திருக்கிறது.

• மணிமகன்

உண்மையை உணர்ந்த பாபாவின் பக்தர்

1985களில் மலேசியாவில் சுற்றுப்பயணம் செய்த தி.க.தலைவர் கி.வீரமணி அவர்கள் சாய்பாபாவின் மோசடிகளைத் தோலுரித்துக் காட்டினார். அப்போது அங்குள்ள சாய்பாபா பக்தரான வழக்குரைஞர் ஜெயராமன் என்பவர் சாய்பாபாவைப் பற்றிப் பேசக்கூடாது என்று கூறி வக்கீல் நோட்டீஸ் அனுப்பினார். அதனைச் சந்திக்கத் தயார் என்று வீரமணி அவர்களும் பதில் நோட்டீஸ் அனுப்பினார்.

பிறகு அவர்களிடமிருந்து மூச்சுப் பேச்சில்லை; இரண்டு வருடங்களுக்குப் பிறகு திடீரென்று அதே வழக்குரைஞர் திரு. ஜெயராமன் அவர்களிடமிருந்து ஒரு பதிவு அஞ்சல் வந்தது.  (அவரது வழக்குரைஞர் குழுமம் ராம் - ரெய்ஸ் - யாப் ஒரு தமிழர், ஒரு சீனர், ஒரு மலாய்காரர்).

அதில், என்னை உங்களுக்கு நினைவு இருக்குமென்று நினைக்கிறேன்.  முன்பு புட்டபர்த்தி சாய்பாபா பக்தனாக இருந்து உங்களுக்கு நோட்டீஸ் அனுப்பிய வக்கீல் நான்.  நீங்கள் சாய்பாபாபற்றிக் கூறியது - 100 க்கு 100 உண்மை என்பது இப்போது எங்கள் அனைவருக்கும் புரிந்துவிட்டது.  எப்படியெனில், எங்கள் இளைஞர்கள் பலரை சாய்பாபாவிடம் ஓயிட்பீல்ட் ஆசிரமத்திற்கு ஆன்மீகப் பயிற்சிக்காக அனுப்பினோம்.  அவர்களிடம் அவர் தகாத முறையில் நடந்துகொண்டார்.  (Sodomy) ஆண் புணர்ச்சி மற்றும் பலவிதமான ஒழுக்க ஈனத்திற்கு அவர்களை அழைத்துக் கெடுத்துள்ளார்.  அந்தச் செய்தியைக் கேட்டு அதிர்ச்சி அடைந்து பாபா படங்களைக்கூட போட்டு உடைத்துவிட்டோம்.  அவர் பற்றிய ஒரு நூலைக் குறிப்பிட்டீர்கள்; அதன் பிரதி இருந்தால் எங்களுக்கு அனுப்பி வைத்து உதவுங்கள் என்று எழுதினார்.

1980-களின் நடுவில் தால் ப்ரூக் அவதார் ஆஃப் நைட் நூலை எழுதினார்.  பாபாவின் 20 வருடங்களுக்கு முந்தைய காம லீலைகளை அவர் விவரித்திருந்தார்.  பாபாவின் பக்தர்கள் அதை மறுத்தார்கள்.  பணம் சம்பாதிக்கும் குறுக்கு வழி என்று குறிப்பிட்டார்கள்.  இப்போது அதன் இரண்டாம் பதிப்பு வந்திருக்கிறது.

பாபாவுக்கு எதிராக செக்ஸ் குற்றம் சுமத்தும் முன்னாள் பக்தர்கள் எண்ணிக்கை அதிகமாகிறது.  வெளிநாட்டவர்கள் மட்டுமின்றி இந்தியர்களும்கூட அவ்வாறு புகார் கூறுகிறார்கள்.  ஆனால், புகார் கூறும் யாரும் இந்தியாவில் வசிக்கவில்லை.
எந்தக் குற்றச்சாட்டுக்கும் சாய்பாபா ஆசிரமத்திடமிருந்து பதில் இல்லை.

(இந்தியா டுடே டிசம்பர் 6, 2000)

எவ்வளவு அருவருப்பான மனிதத் தன்மைக்குச் சற்றும் பொருந்தாத கேவலமான மனிதர் இந்தப் பேர் வழி என்று உணர்ந்து கொள்ள இன்னும் தயக்கமா?

ஒழுக்கத்தைப் பாழடிக்கும் பக்தி, அறிவை அபகரித்து அறியாமைக் குழிக்குள் நம்மைத் தள்ளும் பக்தி போதையிலிருந்து விடுபட வேண்டாமா?

சமாதியான சாமியார்

சாய்பாபா மரணமடைந்த போது பத்திரிகைகள் ஸித்தியடைந்தார் என்றும் முக்தியடைந்தார் என்றும் செய்திகள் வெளியிட்டன. அதைப் படித்தபோது,              ஜி. நாகராஜன் எழுதிய இந்தக் கதை நினைவுக்கு வந்தது.

மடத்துக்கு முன்னால் ஒரே கூட்டம். ஊர் மக்கள் அனைவரும் திரண்டு வந்திருந்தனர். அத்தனை பேர் முகத்திலும் வருத்தம் தோய்ந்திருந்தது. குசுகுசு என்று மட்டுமே பேசிக்கொண்டனர்.

சாமியார் சமாதியாகிவிட்டார். இன்று காலை தியானத்தில் உட்கார்ந்திருந்தவர்தானாம், அப்படியே சமாதியாகிவிட்டார் என்றெல்லாம் பேசிக் கொண்டனர்.

ஊர்ச் சிறுவர்களுக்கு ஒன்றும் புரியவில்லை. கூட்டத்தின் நடுவே குறுக்கும் நெடுக்குமாகச் சென்று கொண்டிருந்தனர். என்னவென்று புரிந்து கொள்ளாமலேயே அவர்களும், சாமியார் சமாதியாகிவிட்டார் என்ற வார்த்தைகளைச் சொல்லிக் கொண்டனர். இறுதியில் மடத்துக்காரர்கள் சாமியாரை வெளியேகொண்டு வந்தனர். சாமியார் வெளியே தூக்கி வரப்படுவதையே உற்று நோக்கிக் கொண்டிருந்த ஒரு சிறுவன் திடீரென்று, டேய், சாமியார் செத்துப் போயிட்டாரு என்று கத்திக் கொண்டு கூட்டத்தை விட்டு ஓடிவந்தான். உடனே, அத்தனை சிறுவர்களும், மடத்துச் சாமியார் செத்துப் போயிட்டாரு என்று அழுத்தம் திருத்தமாகக் கத்திக் கொண்டு ஓடினர். பெரியவர்கள் சிறுவர்களைக் கூட்டத்தைவிட்டு அரட்டி மிரட்டி ஓட்டினர்.

- நூல்: ஜி.நாகராஜன் ஆக்கங்கள், பிரிவு: நிமிஷக் கதைகள், தொகுப்பு: ராஜமார்த்தாண்டன், பக்கம்: 433, 43.

 

சாய்பாபா பற்றி தஸ்லிமா நஸ் ரீன்

சாய்பாபாவின் மரணம் குறித்தும், இதற்காக கிரிக்கெட் விளையாடாமல் பிரார்த்தனை செய்வதாக அறிவித்த சச்சின் டெண்டுல்கர் குறித்தும் விமர்சனம் செய்துள்ளார் வங்கதேச எழுத்தாளர் தஸ்லிமா நஸ்ரின்.

தற்போது ஸ்வீடன் நாட்டுக் குடியுரிமையைப் பெற்று ஸ்வீடனில் பாதுகாப்புடன் வசித்து வரும் இந்த நிலையில்,  சாய்பாபாவின் மரணம் குறித்தும், இதற்காக பிரார்த்தனை செய்யுமாறு சச்சின் டெண்டுல்கர் விடுத்த அழைப்பையும் தஸ்லிமா விமர்சித்துள்ளார்.

ஏன் சாய்பாபாவின் மரணத்திற்காக மற்றவர்கள் சோகமாக இருக்க வேண்டும். அவருக்கு 86 வயதாகி விட்டது. அவரை மரணமடைய அனுமதிப்பதுதான் சரியானது, நியாயமானது. சச்சின், அவருக்காகப் பிரார்த்தனை செய்வதாகக் கூறியிருப்பது கேலிக்கூத்தாக உள்ளது என்று கூறியுள்ளார் தஸ்லிமா.

இதேபோல இன்னொரு செய்தியில், சாய்பாபா இறந்து விட்டார். 2022 ஆம் ஆண்டுதான் இறப்பேன் என்று முன்பு அவர் கூறியிருந்தார். ஆனால் அதற்கு முன்பே இறந்து போய் விட்டார் என்று கிண்டலடித்துள்ளார்.

யாரும் சாய்பாபாவின் அஸ்தியைத் தங்களது விரல் நக இடுக்குகளில் மறைத்து எடுத்துக் கொண்டு வந்து அதைப் பத்திரப்படுத்த முயல மாட்டார்கள் என்று நம்புகிறேன் என்று சற்று காட்டமாகவே விமர்சித்துள்ளார்.

ஒரு பாபா போய்விட்டார். இனி ஆயிரக்கணக்கானோர் அந்த இடத்தைப் பிடிக்க முயல்வார்கள். காரணம், பக்தி பிசினஸ் தற்போது நல்ல லாபகரமானதாக இருப்பதால் என்று கூறியுள்ளார்.

பாபா குறித்த தஸ்லிமாவின் கருத்துகள் பரபரப்பை ஏற்படுத்தியுள்ளன.

மதத்தின் பெயரால் நடந்த மூடச்சடங்கு குழந்தையின் உயிரைப்பறித்த அவலம்

February 08, 2021 • Viduthalai

பாதிரியார் மீது வழக்குப்பதிவு

புகாரெஸ்ட், பிப். 8- தென்கிழக்கு அய்ரோப்பிய நாடாகிய ருமேனியாவில் மதத்தின் பெயரால் நிகழ்த்தப்பட்ட சடங்கான 'ஞானஸ்நான'த் தின்போது  தண்ணீரில் அழுத் தப்பட்ட குழந்தை பரிதாப மாக உயிரிழந்தது.

ருமேனியா நாட்டில் உள்ள தேவாலயம் ஒன்றில் நடந்த நிகழ்ச்சியில் குழந்தையை பாதிரியார் தண்ணீரில் 3 முறை அமிழ்த்தி எடுத்துள்ளார். இதனை யடுத்து சில மணி நேரத்தில் குழந்தைக்கு உடல்நலக் குறைவு ஏற்பட்டு உயிரிழந்தது. மருத்துவமனைக்கு அழைத்து செல்லப்பட்ட குழந்தையை பரிசோதித்த மருத்துவர்கள் நுரையீரலில் தண்ணீர் இருந் ததையும், தண்ணீருக்குள் மூழ்கடிக்கப்பட்ட குழந்தைக்கு அதிர்ச்சியில் மாரடைப்பு ஏற்பட்டதையும் உறுதி செய் தனர். இதனையடுத்து தேவா லய பாதிரியார்மீது வழக்குப் பதிவு செய்யப்பட்டு விசா ரணை நடைபெற்று வருகி றது. ருமேனியா நாட்டில் கடந்த சில ஆண்டுகளாக இதுபோன்ற சம்பவங்கள் அதிகளவில் நடைபெற்றதாக வும், இதனால் 'ஞானஸ்நானம்' நடைமுறைகளை மாற்ற வேண் டும் எனவும் கோரிக்கை எழுந் ததாகவும் அந்நாட்டு ஊட கங்கள் தெரிவித்துள்ளது.

சாமியார்களின் மோசடிகளும் சரச சல்லாபங்களும்! பக்தி வியாபாரம் பாரீர்!

முகப்புக் கட்டுரை : 

 மஞ்சை வசந்தன்

சாமியாராய்ப் போனவன் சபலப்பட்டு லீலைகள் செய்தான் அன்று. ஆனால், காமலீலைகள் செய்வதற்கென்றே சாமியாராய் நிறைய பேர் புறப்பட்டுவிட்டார்கள் இன்று.

இப்படிப்பட்ட சாமியார்களின் தொடக்க வாழ்வைத் தோண்டினால், கஞ்சா விற்றவன், கள்ளத்தனம் செய்தவன், டீக்கடை நடத்தியவன், குதிரைவண்டி ஓட்டியவன், குறி சொன்னவன், கொலை செய்தவன் என்று வண்டவாளங்கள் வெளிப்படும்.

இப்படிப்பட்ட சாமியார்கள் பொதுவாகச் செய்வது _ பொது இடங்களை ஆக்கிரமிப்பது, அற்புதம் செய்வதாய் விளம்பரப்படுத்துவது, அரசியல்வாதிகளோடு கை கோர்ப்பது, அப்பாவிப் பெண்களை தங்கள் வலையில் வீழ்த்திச் சீரழிப்பது. அதிகப் பெண்கள் கிடைக்கும்போது அரசியல்வாதிகளோடு பங்கு போட்டு, அவர்களையும் வலையில் வீழ்த்தி தங்களைப் பாதுகாத்துக் கொள்வது என்பனவாகும்.

இந்தச் சாமியார்களில் குடியரசுத் தலைவரே காலில் விழும் “ஹை கிளாஸ்’’ சாமியார்கள் முதல், காத்தாயியும், குப்பாயியும் குறைதீரச் செல்கின்ற “லோ கிளாஸ்’’ சாமியார்களும் உண்டு. பக்தி மயக்கத்தில் செல்கின்ற பக்தர்களில் படித்தவர்களும் உண்டு; பாமரர்களும் உண்டு.

காஞ்சி காமகோடி ஜெயேந்திரர்

இந்தியாவில் பந்தா காட்டிய உயர்நிலைச் சாமியார் காஞ்சிபுரத்துக் காமகோடி பீடத்தில் அமர்ந்திருந்த “காமகோடி’’தான். நல்ல பொருத்தமான பெயர்! காமம் கரைபுரண்டு நுங்கும் நுரையுமாய் பொங்கிவழிவது மட்டுமல்லாமல், கொலை, குத்து, வெட்டு என்று எல்லாம் அங்கு அரங்கேற, காமகோடியல்ல, காமகேடி என்று பெயர் பெற்றவர்.

குடியரசுத் தலைவர், பிரதமர் முதல் உயர்நிலை அரசியல் தலைவர்கள், கார்ப்பரேட் முதலாளிகள் எல்லாம் வந்து தரிசிக்கும் தகுதி பெற்றவர். கவுண்டமணி பாணியில் சொல்ல வேண்டுமானால், இவர் ஓர் “ஆல் இன் ஆல் அழகுராஜா!’’ அனைத்திலும் எக்ஸ்பர்ட்!

இதோ சில:

தண்டத்தைவிட்டு பெண்ணோடு ஓடியவர்!

1986இல் ஜெயேந்திரர் தண்டத்தைப் போட்டுவிட்டு யாருக்கும் தெரியாமல், வெங்கட்ராமன் என்பவரின் பெண்ணை இழுத்துக் கொண்டு ஓடினார். ஒரு மாதத்திற்கு மேல் குடும்பம் நடத்தினார். அப்போது ஓடிப்போன இந்த ஓடுகாலி சங்கராச்சாரியை, சி.பி.அய். கொண்டு தேடிக் கண்டுபிடித்தனர். பின்னர் தலைக்காவிரிக்குப் போய் அந்தப் பெண்ணைப் பிரிந்து வந்த தகவல்கள் _ அப்போது ஊடகங்களுக்குப் பரபரப்புச் செய்திகள். அந்தக் கால இடைவெளியில் சின்ன சங்கராச்சாரி விஜயேந்திரனை நியமித்தது சங்கரமடம். இரண்டு சங்கராச்சாரிகள் இருந்ததன் ரகசியம் இதுதான்.

அனுராதா ரமணன் புகார்:

“1992ஆம் ஆண்டு காஞ்சி சங்கரமடத்தில் இருந்து எனக்கு அழைப்பு வந்தது. நானும் இன்னொரு பெண்ணும் (இவர்தான் சங்கராச் சாரியாரிடம் அறிமுகப்படுத்தியவர்) மடத்துக்குச் சென்றோம். அங்கு உட்கார்ந்து அவருடன் பேசிக் கொண்டு இருந்தோம். அப்போது சங்கராச்சாரியார் ஆன்மிகம் பற்றிப் பேசினார். நான் தலைகுனிந்து எழுதிக் கொண்டு இருந்தேன். ஆன்மிகவாதியின் பேச்சு திடீரென்று ஆபாசமாக மாறியது. அப்போது நான் என் தலையை நிமிர்த்தி அவரைப் பார்த்தேன். அப்போது எனக்கு தூக்கி வாரிப் போட்டது. என்னுடன் வந்து இருந்த பெண் சங்கராச்சாரியாருடன் மிக நெருக்கமாக உட்கார்ந்து கொண்டு இருந்தார்.

அவர் என்னிடம் மிக ஆபாசமாகப் பேசினார். அவரது விருப்பத்துக்கு என்னை இணங்கும்படி வற்புறுத்தினார். என்னால் கோபத்தைத் தாங்கிக் கொள்ளமுடியாமல் நீயெல்லாம் மனுஷனா என்று கேட்டு விட்டு வந்து விட்டேன்.

அப்போது ஒரு வாரப் பத்திரிகையில் எனக்கு ஏற்பட்ட துன்பத்தைத் தொடராக எழுதி வந்தேன். அப்போதும் எனக்கு மிரட்டல் வந்தது. அதேபோல போலீசில் புகார் கொடுக்க முடியாதபடி அவர்கள் எனக்குப் பல தொல்லைகள் கொடுத்தார்கள்.’’ என்று எழுத்தாளர் அனுராதா ரமணன் கூறியுள்ளார்.

ரவி சுப்பிரமணியம் வாக்குமூலம்:

ஜெயேந்திரர் பல பெண்களுடன் இருந்துள்ளதை நேரில் பார்த்த ரவி சுப்பிரமணியம் கூறிய அதிர்ச்சிகரமான தகவல்கள்:

மதிய நேரத்தில் பெண்களுடன்:

ஜெயேந்திரருக்கு பெண்கள் விஷயத்தில் நிறைய தொடர்புகள் இருந்தன. மதிய நேரத்திலேயே தனது அறைக்குள் பல பெண்களுடன் அவர் இருப்பதைப் பார்த்திருக்கிறேன்.

மடத்தின் சைல்ட் டிரஸ்ட் மருத்துவமனையின் இயக்குநர் நடராஜனின் மனைவி பிரேமா, அய்தராபாத்தில் ஆல் இந்தியா ரேடியோவில் வேலை பார்க்கும் பெண் ஆகியோரை ஜெயேந்திரருடன் தவறான நிலையில் நான் பார்த்திருக்கிறேன்.

புளூ பிலிம்:

இதைத் தவிர நிறைய புளூ பிலிம் படங்களையும் ஜெயேந்திரர் பார்ப்பார். மதியம் 1:30 மணி முதல் மாலை 3 மணி வரை இதெல்லாம் நடக்கும்.

அப்போதைய தினபூமி, ஜூனியர் விகடன், நக்கீரன், குமுதம் ரிப்போர்ட்டர் இதழ்களைப் புரட்டினால் இவர் புரண்டதெல்லாம் புற்றீசலாய்ப் புறப்படும்.

ஷிவ்முராத் திவிவேதி (பார்ப்பன சாமியார்):

சாமியார் சிவ்முராத் திவிவேதி இந்து மதத்தைக் கேடயமாக வைத்துக் கொண்டு விபசாரம் செய்து வருவதாகப் புகார்கள் வந்தன. இதனால் சந்தேகம் அடைந்த டெல்லி போலீசார் சிவ்முராத் திவிவேதியையும் அவரது கோவில், வீடுகளையும் கண்காணித்தனர். போலீஸ் விசாரணையில் கான்பூர் சாய்பாபா கோவிலில் சுரங்க அறைகள் இருப்பதும் அங்கு விபசாரம் நடப்பதும் உறுதியாகத் தெரிய வந்தது. இதையடுத்து போலீசார் சிவ்முராத் திவிவேதி-யின் கோவிலில் அதிரடிச் சோதனை நடத்தினார்கள். அப்போது அங்கு விபசாரம் நடந்து கொண்டிருப்பது தெரிந்தது.

இதனைத் தொடர்ந்து உடனடியாகப் போலி சாமியார் சிவ்முராத் திவிவேதி கைது செய்யப்பட்டார்.

ஆசாராம் பாபு:

 

குஜராத்தின் ஆமதாபாத் அருகே, ஆசிரமம் நடத்தி போலீசாரிடம் மாட்டிக்கொண்ட ஆசாராம் பாபு, லட்சக்கணக்கில் சீடர்கள் கொண்டவர். ஆசாராம் பாபு வடஇந்தியாவில் இருக்கும் பல மதகுருக்களில் ஒருவர்.

நில அபகரிப்பு, கொலை, பாலியல் பலாத்காரம் போன்ற குற்ற நடவடிக்கைகளுக்காக இவர் மீது வழக்குகள்.

மத்திய டில்லியில் உள்ள, கமலா மார்க்கெட் போலீஸ் ஸ்டேஷனுக்குச் சென்ற, பெயர் குறிப்பிடப்படாத இளம்பெண் ஒருவர், 72 வயதான ஆசாராம் பாபு தன்னை பாலியல் பலாத்காரம் செய்து விட்டதாக, புகார் கொடுத்துள்ளார். அந்தப் புகாரில், பலாத்கார சம்பவம், ராஜஸ்தானின் ஜோத்பூர் நகரில் உள்ள, ஆசாராம் ஆசிரமத்தில் நடந்ததாக அப்பெண் கூறியதால், வழக்குப் பதிவு செய்த போலீசார், விசாரிக்குமாறு, ராஜஸ்தான் போலீசாரைக் கேட்டுக் கொண்டனர். புகாரையும் அங்கு அனுப்பினர்.

உத்தரப்பிரதேசம் ஷாஜகான்பூரைச் சேர்ந்த அப்பெண், சாமியார் ஆசாராம் பாபுவிடம் ஆசி பெறுவதற்காக, தனது 15 வயது மகளுடன் 13.8.2013 அன்று ஜோத்பூர் சென்றுள்ளார். தனது மகளுக்கு பேய் பிடித்திருப்பதாகச் சொல்லி அவரிடம் சென்று முறையிட்டுள்ளார். 15.8.2013 அன்று அதற்கான சடங்குகளைச் செய்கிறேன் என்று ஆசாராம் பாபு சொல்லியிருந்தார். கிரியைகள் செய்யும்போது, நீங்கள் இருக்கவேண்டிய அவசியம் இல்லை என்று சொன்னாலும், அந்தப் பெண்ணின் குடும்பம் அங்கேயே தங்கி இருந்தது.

அப்போது ஆசாராம் பாபு தன்னை மானபங்கம் செய்ததாக மைனர் பெண், தனது தந்தையிடம் கூறினார். இதுகுறித்து மைனர் பெண் 22-.8.2013 மாலை புகார்அளித்தார். இவன் பல மைனர் பெண்களை வன்புணர்வு செய்து கொன்றவன். அவனுடைய குற்றச் செயல்களுக்காகச் சிறையில் அடைக்கப்பட்டான்.

பிரம்மரிஷி சுபாஷ் பத்திரி: 

தன்னிடம் வரும் பெண்களை இறுக்கி அணைத்தும், பாலுறவுத் தொல்லைகள் கொடுத்தும் புகாருக்கு உள்ளாகி விசாரிக்கப்பட்டவன். ஆந்திராவில் மெகபூப் நகர் மாவட்டம் படுதால் கிராமத்தில் மகேஸ்வரா மகாபிரமிடு என்கிற பெயரில் தியான மண்டபம் அமைத்து 136 ஏக்கரில் ஆசிரமமே நடத்தியவன். தினம் ஒரு லட்சம் பேர் தியானத்தில் கலந்து கொள்ள, அங்குவந்த பெண்களிடம் தவறாக நடக்க, அப்படங்கள் ஊடகங்களில் வெளிவந்து சந்தி சிரிக்க, போலீஸ் வழக்குப் பதிந்து விசாரிக்க, பிரச்சனை பெரிதானதால் ஆசிரமத்தை விட்டே ஓடிவிட்டான்.

ரஜினீஷ் குரோவா:

இவன் பிரசாதம் என்னும் பெயரில் மயக்க பிஸ்கட்டுகளைக் கொடுத்து, பெண்களை வன்புணர்ச்சி செய்தவன்.

ஜெய்பூரில் இரு பெண்களை இவ்வாறு வன்புணர்ச்சி செய்தான். இதுசார்ந்த படங்கள் ஊடகங்களில் வெளிவந்து பரபரப்பாகியது.

22 வயதுடைய பெண் ஜெய்பூர் காவல் நிலையத்தில் இச்சாமியாருக்கு எதிராகப் புகார் அளித்தார்.

சந்தோஷ் மாதவன் (சாமி அமிர்த் சைத்தன்யா):

கேரளாவில் இவன் நடத்திய காமலீலைகள் நீதிமன்றம்வரை சென்று, கேரள நீதிமன்றத்தால் தண்டிக்கப்பட்டான். நான்கு மைனர் பெண்களை கற்பழித்த கொடூரனான இவன், பக்தர்களிடம் பணமும் ஏராளமாய்ப் பறித்துள்ளான்.

ஆணுறுப்பு அறுபட்ட கேரள சாமியார்!

கேரள மாநிலம் கோலாஞ்சேரியைச் சேர்ந்த ஸ்ரீஹரி என்பவன் அவ்வூரில் டீ கடை நடத்திவந்தான். கொல்லம் நகரில் உள்ள ஒரு சாமியாரின் சமாதிக்குச் சென்று சாமியார் வேடம் பூண்டு காவி கட்டிக்கொண்டான்.

காவியைக் கண்டால் கவிழும் மக்கள் அல்லவா! அவனிடமும் கவிழ்ந்தார்கள். பிறகு கொல்லம் பன்மனை ஆசிரமத்தின் கிளையில் தங்கினான். தன் பெயரை கங்கேஷ் ஆனந்த தீர்த்தபாத சாமி என்று மாற்றிக்கொண்டான். அருகிலுள்ள வீடுகளுக்குச் சென்று பூஜைகள் செய்து அவர்களின் குறை தீர்ப்பதாய் நடித்தான். அப்படிச் சென்ற வீடுகளில் ஒன்று சட்டக்கல்லூரி மாணவியின் வீடு.

அந்த மாணவியின் தந்தை பக்கவாதத்தால் படுக்கையில் கிடக்க, அவரது மனைவியை தன்வயப்படுத்தினான். செயலற்ற கணவன் என்பதால் அப்பெண் இச்சாமியாரிடம் எளிதில் இணங்கினாள். சாமியாரிடம் நெருக்கம் அதிகமானதால், அப்போது 16 வயதுடையவளாய் இருந்த அச்சட்டக் கல்லூரி மாணவியையும் அனுபவிக்க எண்ணி, அவளின் தாயின் துணையுடன் அதை நிறைவேற்றினான்.

இந்த இளம் பெண்ணை 16 வயது முதல் வன்புணர்வு செய்து 7 ஆண்டுகள் கொடுமைப்படுத்தினான்.

அச்சாமியாரின் கொடுமை தாங்க முடியாத அப்பெண் அவனது ஆணுறுப்பையே அறுத்து எறிந்துவிட்டாள்.

நித்தியானந்தா:

திருவண்ணாமலையில் ராஜசேகரன் என்னும் ஓர் இளைஞன். சிறு வயதிலேயே வீட்டை விட்டு ஓடி காவிகளுடன் அலைந்து திரிந்தான். அந்தக் காவிகளின் எல்லாப் பழக்கங்களும் தொற்றிக்கொண்டு நான்தான் ரமணரின் அவதாரம் என்று கூறிக்கொண்டு நித்யானந்தா என்று புதுப்பெயர் சூட்டிக்கொண்டான்; ஆசிரமம் அமைத்தான். சாமியார் தொழில் அதிகம் கல்லா கட்டும் தொழில் ஆயிற்றே! கல்லாப் பெட்டி நிரம்பியது.

காலத்திற்குத் தகுந்தவாறு நவீனத் தொழில் நுட்பங்களைக் கையாண்டு பக்த கோடிகளைச் சேர்த்துக் கொண்டார். பேச்சில் வல்லவராகப் பேசப்பட்டார். பல எழுத்து வியாபாரிகள் பணம் பெற்றுக்கொண்டு எழுதிக் கொடுத்ததை யெல்லாம் இவரது பெயரிலேயே வெளியிட்டுக் கொண்டார். ‘கதவைத் திற! காற்று வரும்’ என்று முன்னணி ஏட்டில் தொடரும் வந்தது. ஆசிரமம் வளர்ந்து விரிந்தது.

ஒரு மார்க்கெட் இழந்த நடிகை ஆசிரமத்தில் அடைக்கலமானார். அவரே சாமியாருக்குப் பணிவிடைகள் செய்தார். இது நித்யானந்தாவே  சொல்லிய வாக்குமூலம். ஆசிரமத்துக்குள் சிக்கல் உருவாக சாமியாரின் அந்தரங்கம் சி.டி.யில் பதிவாகி இந்தியத் தொலைக்காட்சி வரலாற்றில் முதல்முறையாக ஒளிபரப்பானது. ‘நக்கீரன்’ பத்திரிகையில் நித்யானந்தாவின் உண்மை முகத்தை அவரது சீடர் லெனின் கருப்பன் என்கிற தர்மானந்தா வெளிக்கொணர்ந்தார்.

நித்யானந்தா மீது பாலியல் குற்றச்சாட்டுகள் எழ, இவரது பிடதி ஆசிரமம் கருநாடகாவில் இருப்பதால் வழக்குப் பதிவானது. சில நாள் வட மாநிலங்களில் ஓடி ஒளிந்து பின் கைது செய்யப்பட்டு சாமியார் கம்பி எண்ணினார். அவருடன் இருந்த நடிகை ரஞ்சிதாவோ தலைமறைவானார்.

சி.டி. புகழ் நித்தியானந்தா  மதுரை ஆதினத்தின் 293ஆவது தலைவராக  நியமிக்கப்பட்டார். நியமித்தது  292ஆவது நடப்பு மதுரை  ஆதீனம். இந்த அறிவிப்பை யடுத்து நித்தியானந்தா 1 கோடி ரூபாய்க்கான காசோலையை வழங்கினார். திருவாளர் 292ஆவது ஆதினமோ பதிலுக்கு தங்கச் செங்கோல் வழங்கி, நித்திக்கு தங்க கிரீடத்தையும் சூட்டினார்.

ரஞ்சிதாவுடன் இருக்கும் நித்தியானந்தாவை, மதுரை ஆதினமாக ஏற்றுக்கொள்ளக் கூடாது என்று ஜெயேந்திரர் கூறியதற்கு எதிர்ப்பைத் தெரிவித்த நித்யானந்தா, “என் மீது எந்தக் கொலை வழக்கும் இல்லை. அவர் மீது கொலை வழக்கு உள்ளது. குற்றப் பின்னணி உள்ள அவர் என்னைப் பற்றி குற்றம் சொல்ல அருகதை இல்லை. அவர்தான் போதை ஊசி போட்டு காஞ்சிப் பெரியவரைக் கொன்றார். நான் மதுரை ஆதினத்துக்கு எந்த ஊசியும் போடவில்லை.’’ என்று கூற சாமியார்கள் சண்டை சந்தி சிரித்தது.

ஜக்கி வாசுதேவ்:

கேடியாகத் தன் வாழ்வைத் தொடங்கி, இன்று கோடிகளில் புரளும் ஜக்கி வாசுதேவ்.

சுமார் 40 ஆண்டுகளுக்கு முன் கோவையில் உள்ள “ப்ரூக்பாண்ட் ரோடு’’ மேம்பாலத்தின் கீழ்ப்புரம் குதிரை வண்டிகள் நிறுத்தும் இடத்தில் சமூக விரோதிகளுக்கு கள்ளத்தனமாகக் கஞ்சா விற்பனை செய்த ஒரு கயவாளிதான் இந்த ஜக்கி வாசுதேவ். இந்த ஆளுக்கு ஒரு பெண்ணுடன் கள்ளத்தொடர்பு உண்டு.

இந்தக் கேடிக்கு ரிச்சர்டு என்கிற ரவுடி நெருங்கிய நண்பன். அவன் எல்லா வகையிலும் இந்த ஆளுக்கு உதவியாய் இருந்தான். இந்த நிலையில் ரிச்சர்டுக்கும் ஜக்கிக்கும் நடந்த வியாபார மோதலில் அந்தப் பெண் மாயமாக, ரிச்சர்டு கொலை செய்யப்பட்டான்.

அது மட்டுமல்லாது ஜக்கி தனது மனைவியையும் கொலை செய்ததால். அது சார்ந்த வழக்கு நீதிமன்றத்தில் பல ஆண்டுகளாக நிலுவையில் உள்ளது. மத்தியப் புலனாய்வுத் துறையால் தேடப்படும் குற்றவாளியாகவும் இந்த ஜக்கி அறிவிக்கப்பட்டதாகத் தகவல் உள்ளது.

சட்டவிரோதமான ஈஷா மய்யம்

இப்படிப்பட்ட கிரிமினல் பேர்வழியான ஜக்கி வாசுதேவால், கோவை மாவட்டம் தொண்டாமுத்தூர் ஊராட்சி ஒன்றியத்தில் உள்ள இக்கரை பொல்லுவபட்டி என்னும் ஊராட்சிக்கு உட்பட்ட வனப்பகுதியைச் சட்டவிரோதமாக ஆக்கிரமித்து உருவாக்கப் பட்டதுதான் ஈஷா மய்யம்!.

ஆர்.எஸ்.எஸ். பின்னணி: இந்து மதத்தையும், சமஸ்கிருதத்தையும் பரப்புவதற்காக, இந்த ஜக்கி என்கிற கிரிமினல் குற்றவாளியுடன் ஆர்.எஸ்.எஸ்.ஸும், இந்து மதவெறி அமைப்புகளும் கைகோத்துச் செயல்படுகின்றன. அதனால்தான் இவ்வளவு பெரிய கிரிமினல் வேலைகளை இந்த ஜக்கி செய்தும், அந்த ஆள் மீது எந்த நடவடிக்கையும் இல்லை. இந்த ஆள் மீது பல பொதுநல வழக்குகள், கொலை, மோசடி வழக்குகள் இருந்தும், எந்த நடவடிக்கையும் இல்லாததற்கு ஆர்.எஸ்.எஸ்.ஸும், பி.ஜே.பி. மத்திய அரசுமே காரணம்.

எல்.அய்.சி. ஊழியர் ‘கல்கி’ சாமியார்:

அண்மையில் பரபரப்பாகப் பத்திரிகைகளில் பேசப்படும் மோசடி சாமியார் இவர். இவர் தொடக்ககால வாழ்க்கையைத் தோண்டித் துருவினால் சாமியார்கள் எப்படி உருவாகிறார்கள் என்பதை எவரும் எளிதில் அறியலாம். குறிப்பாக குற்றவாளிகளே சாமியார்களாகிறார்கள் என்பதை இவர் சாமியாரான வரலாறு உறுதி செய்யும்.

கல்கி பகவானின் உண்மையான பெயர் விஜயகுமார். ஆரம்பத்தில் எல்.அய்.சி. ஊழியராக இருந்த இவர், தன்னை விஷ்ணுவின் 10ஆவது அவதாரமான கல்கி அவதாரம் என அறிவித்து கல்கி பகவான் என்று கூறிக்கொண்டார்.

கல்கி பகவானின் சொந்த ஊர் வேலூர் மாவட்டம் குடியாத்தம் அருகே உள்ள நத்தம் கிராமம் ஆகும். இவரது தந்தை வரதராஜுலு நாயுடு, தாய் வைதரபாய் அம்மாள், 7.3.1949இல் பிறந்தார்.

இவரது தந்தை தெற்கு ரெயில்வேயில் அக்கவுண்டன்ட்டாக பணியாற்றி வந்தார். கல்கி பகவானுக்கு 6 வயது இருந்தபோது அவரது குடும்பம் சென்னைக்கு இடம்பெயர்ந்துவிட்டது. இங்குதான் ஆரம்பக் கல்வியைப் படித்தார்.

சென்னையில் புகழ் பெற்ற டான் போஸ்கோ பள்ளியில் படித்த அவர், பின்னர் வைஷ்ணவா கல்லூரியில் கணிதத்தில் பட்டப் படிப்பு முடித்தார். 1971இல் அவருக்கு எல்.அய்.சி.யில், வேலை கிடைத்தது.

அதில், குமாஸ்தாவாகப் பணியாற்றி வந்தார். 1977 ஜூன் மாதம் 6ஆம் தேதி பத்மாவதியை திருமணம் செய்து கொண்டார். 1980ஆடத ஆண்டு வாக்கில் திடீரென எல்.அய்.சி. அலுவலகத்தில் நீண்ட விடுமுறை எடுத்த அவர் மதனபள்ளியில் ஜே.கிருஷ்ணமூர்த்தி அறக்கட்டளை நடத்திய பள்ளியில் ஆசிரியராக பணிக்குச் சேர்ந்தார்.

அவர், சில தவறுகளில் ஈடுபட்டதாகக் கூறி பள்ளி நிருவாகம் அவரை பணியை விட்டு நீக்கியது. அதன் பிறகு ஆந்திராவில் இப்போது ஆசிரமம் அமைந்துள்ள சித்தூர் மாவட்டம் வரதய் பாளையத்தில் தனியாக ஒரு பள்ளியைத் தொடங்கினார். அந்த பகுதி மக்களின் வளர்ச்சிக்குப் பாடுபடப் போவதாக அப்போது அறிவித்தார்.

இதனால் அந்தப் பகுதியைச் சேர்ந்த தொழில் அதிபர் ஹரிகோதாய் அவருக்கு தாராளமாக உதவினார். இதன் மூலம் விடுதியுடன் கூடிய பள்ளியைத் தொடங்கி நடத்தி வந்தார். விடுதியில் 180 மாணவர்கள் தங்கி இருந்தனர். உள்ளூர் மாணவர்கள் 200 பேர் தினமும் வந்து சென்றனர். அங்கு ஆன்மிக போதனைகளும் நடத்தப்பட்டன. அப்போது அங்குள்ள பள்ளி மாணவர் ஒருவர், “நான் கடவுளைக் கண்டேன்’’ என்று திடீரென அறிவித்தார். இதன் பின்னர் பல மாணவர்களும் இவ்வாறு சொல்ல ஆரம்பித்தனர்.

அப்போது கல்கி பகவான், கடவுள் இங்கு தோன்றி இருப்பதாக மாணவர்களிடம் கூறினார்.

இந்த நிலையில் திடீரென தன்னை விஷ்ணுவின் 10ஆம் அவதாரம் கல்கி என கூறினார். அங்கு கல்கி ஆசிரமத்தையும் உருவாக்கினார். அவருடைய ஆன்மிக சொற்பொழிவு உள்ளிட்ட பல்வேறு நிகழ்ச்சிகள் நடைபெற்றன. நடனம், ஆட்டம், பாட்டம் என வித்தியாசமான முறையில் ஆன்மிக நிகழ்ச்சிகள் அரங்கேற்றமாகின. இதில் ஏராளமான இளம்பெண்கள், ஆண்கள் என பலரும் பங்கேற்று கல்கியின் பக்தர்களானார்கள். வெளிநாட்டுப் பக்தர்களும் ஏராளமானோர் ஆசிரம உறுப்பினர்களாகச் சேர்ந்தனர்.

அதைத் தொடர்ந்து சென்னை, பெங்களூர், அய்தராபாத் என இந்தியா முழுவதும் ஆசிரம கிளைகள் தொடங்கப்பட்டன. கல்கி பகவானுக்கு லட்சக்கணக்கான பக்தர்கள் உருவானார்கள். கோடி, கோடியாக பணத்தை காணிக்கையாகச் செலுத்தினார்கள்.

சென்னை பூந்தமல்லி அருகேயுள்ள நேமம் கிராமத்தில் கல்கி ஆசிரமத்தை ஆரம்பித்து, தமிழக _ ஆந்திரா மக்களைக் கவர ஆரம்பித்தார். தன்னையே கடவுள் என சொல்லிக்கொண்டு வலம்வந்த இவரின் ஆன்மிகச் சேவையில் மயங்கிய அப்பாவி மக்களைவிட பாலிவுட், கோலிவுட் திரையுலகப் பிரபலங்கள், அரசியல்வாதிகள், அதிகாரிகள் என அதிகாரவர்க்கப் பட்டாளமே வீழ்ந்து கிடந்தது.

ஆன்மிகப் பாதை அடாவடிப் பாதையாக மாறியது. கல்கியைச் சந்திக்க வேண்டும் என்றால் 50 ஆயிரம் ரூபாய் தட்சணை என கட்டாய வசூலில் இறங்கியதால் கல்கி கட்டிய மாயக்கோட்டையில் மக்கள் கற்களை வீசி எறிய ஆரம்பித்தனர். கூடா நட்பு கேடாய் முடியும் என்பதைப் போல அன்றைய ஆந்திர முதல்வர் சந்திரபாபு நாயுடுவுடன் சேர்ந்து ரியல் எஸ்டேட், அய்.டி. துறையில் உள்நாடு, வெளிநாடுகளில் பல்வேறு முதலீடுகளைச் செய்தார். நாயுடுவை வீழ்த்தி ஆந்திராவில் ஆட்சியைப் பிடித்துள்ள ஜெகன்மோகன் ரெட்டிக்கு இந்த விவகாரம் தெரியவரவே, டெல்லிக்கு தகவல் கொடுத்து கல்கி ஆசிரமத்தில் ரெய்டு தீயைப் பற்றவைத்து விட்டார் என்று பத்திரிகைகள் கூறுகின்றன.

கல்கி குடும்பத்திற்குச் சொந்தமான 20க்கும் மேற்பட்ட இடங்கள், ஆசிரமங்களில் மூன்று நாள்களாக நடத்திய ரெய்டின் முடிவில், கணக்கில் காட்டப்படாத 500 கோடி ரூபாய்க்கு சொத்து ஆவணங்கள் கண்டுபிடிக்கப் பட்டுள்ளன. 43.9 கோடி ரூபாய் இந்திய பணமும், 21 கோடி அமெரிக்க டாலர் கரன்சிகள், 9 கோடி வைரங்கள்,  மேலும் 26 கோடி ரூபாய் மதிப்பிலான 95 கிலோ தங்க நகைகளும், 31 கோடி ரூபாய் மதிப்பிலான ஆபரணங்கள் என கிட்டத்தட்ட 600 கோடி ரூபாய்க்கும் மேலான பொருள்கள் பறிமுதல் செய்யப்பட்டுள்ளன.

கல்கி, அவரது மனைவி பத்மா, அவரது மகன் கிருஷ்ணா, இவர்களது ஆடிட்டர் மற்றும் பினாமி பெயர்களில் உலகம் முழுவதும் பல்வேறு பெயர்களில் ஹோட்டல்கள், மால்கள், பண்ணை வீடுகள், ரியல் எஸ்டேட், உல்லாச கப்பல்கள், சிறிய சொகுசு ரக ஃபிளைட் என ஏகத்துக்கும் வாங்கிக் குவித்துள்ளனர்.

இதுதவிர, இந்தியாவில் கிருஷ்ணாவின் பெயர்களிலும் கோல்டன் லோட்டஸ், ட்ரீம், வியூ, ப்ளூ வாட்டர் என கட்டுமான நிறுவனங்களின் பெயர்களில் தமிழகத்திலும் ஆயிரக்கணக்கான ஏக்கர் நிலங்கள் வாங்கியுள்ளார். இவ்வளவு சொத்துகள், நிறுவனங்கள் வாங்குவதற்கான மூலதனம் எங்கிருந்து வந்தது?

சென்னை, ஆந்திரா, தெலங்கானா, கருநாடகா ஆகிய பகுதிகளில் உள்ள கல்கி ஆசிரமங்கள் உள்பட 40 இடங்களில் வருமான வரி அதிகாரிகள் அதிரடி சோதனை நடத்தினார்கள்.

இதில் ரூ.43 கோடியே 90 லட்சம் பணம், ரூ.18 கோடி மதிப்புள்ள அமெரிக்க டாலர், 88 கிலோ தங்க கட்டிகள், நகைகள், ரூ.5 கோடி மதிப்புள்ள வைரக்கற்கள் மேலும் கணக்கில் வராத ரூ-500 கோடிக்கு மேல் பணம் கண்டு பிடிக்கப்பட்டு உள்ளது. கல்கி பகவான் குழுமம் சார்பில் இந்தியாவைத் தவிர வெளிநாடுகளில் உள்ள கம்பெனிகளில்  பெரிய  அளவில் முதலீடு செய்யப்பட்டுள்ளது.

சாமியார் கல்கி விஜயகுமார் ஆந்திர மாநிலம் வரதய்ய பாளையத்தில் உள்ள ஆசிரமத்தில் வசிப்பதாகக் கூறப்படுகிறது. சோதனையின்போது அவர் அங்கு இல்லை. ஆசிரமத்தில் தொடர்ந்து சோதனை நடத்தப்பட்டு வருகிறது. இதில் ஆசிரம நிருவாகிகளிடம் விசாரணை நடத்தப்பட்டது . ரூ.500 கோடிக்கு மேல் வரி ஏய்ப்பு செய்யப்பட்டுள்ளதால் கல்கி பகவான் விஜயகுமாரிடம் விசாரணை நடத்த வருமான வரித் துறை அதிகாரிகள் முடிவு செய்துள்ளனர். ஆனால், கல்கி விஜயகுமார் எங்கு இருக்கிறார் என்பது ஆசிரமத்தில் உள்ளவர்களுக்குத் தெரிய வில்லை. அவரைப் பார்த்து 2 ஆண்டுகள் ஆனதாக ஆசிரம நிருவாகிகள் தெரிவித்தனர்.

இதனையடுத்து கல்கி விஜயகுமார் தனது மனைவி பத்மாவதியுடன் வெளி நாட்டுக்குத் தப்பிச் சென்றதாக தகவல் வெளியாகி இருக்கிறது. அவரது கடவுச் சீட்டை வருமான வரித்துறையினர் தீவிரமாகத் தேடினர். ஆனால், அது கிடைக்கவில்லை. இதனால் அவர் வெளிநாட்டுக்குத் தப்பிச் சென்று இருக்கலாம் என்று அதிகாரிகள்  கருதுகிறார்கள்.

இதையடுத்து வழக்கை சி.பி.அய்.க்கு மாற்றலாமா என்று வருமானவரித் துறை அதிகாரிகள் ஆலோசனை நடத்தி வருகிறார்கள்.

ஆக, மத்திய அரசு, உளவுத் துறை எல்லாவற்றையும் ஏமாற்றி எங்கு இருக்கிறார் என்றே தெரியாமல் ஒளிந்துள்ள ‘கல்கி’ சாமியார் என்றால், இது சாமியாரின் சாமர்த்தியமா? அல்லது மத்திய அரசின் கையாலாகாத்தனமா? அப்பாவி மக்களைத் தண்டிக்கத்தான் சட்டமா? கார்ப்பரேட் சாமியார்களுக்கு சட்டமும் நீதியும் கிடையாதா? பக்தியின் பெயரால் எல்லாம் பாழ்பட்டுக் கிடக்கிறது என்பதற்கு இவையெல்லாம் கண்முன்னே நிற்கும் ஆதாரங்கள்!

பக்தி போதையிலிருந்து மக்கள் விடுபட்டுத் தெளிந்து விடுவதுதான் ஒரே தீர்வு! அந்தப் போதை தெளிய பெரியாரே ஒரே மருந்து!

- உண்மை இதழ், 1-15.11.19

காவிகளின் "கிருஷ்ணலீலா!" பெண்ணைக் கடத்தி மடாதிபதி ஓட்டம்

பெண்ணைக் கடத்தி மடாதிபதி ஓட்டம்

கோலார், பிப். 29-  சிவராத்திரி நாளில் கோயிலுக்கு வந்த 20 வயது இளம் பெண்ணுடன் 45 வயது மடாதிபதி ஓடிப் போன சம்பவம் பரபரப்பை ஏற்படுத்தி உள்ளது.

கோலார் மாவட்டம் கோலார் தாலுகாவில் உள்ள எவுலியாகிராமத்தில் பழைமையான பீமலிங் கேஷ்வரசாமி சேவாஷ்வரம மடம் உள்ளது.  இதில் தத்தாத்ரேயா  சவதூதா (வயது 45) என்பவர் மடா திபதியாக  இருந்து வரு கிறார். மடத்தில் முழுக்க முழுக்க சைவ நெறிமுறைகள் பின்பற்றப்படுவதாகக் கூறப்படுகிறது.

சேவாஷ் வரமத்திற்கு எவுலியா கிராமத்தைச் சேர்ந்தவர்கள் மட்டுமில் லாமல், அதை சுற்றியுள்ள பத்திற்கும் மேற்பட்ட கிரா மத்தினரும் வந்து தங்கள் குடும்ப கஷ்டங்களை மடா திபதியிடம் கூறி ஆலோ சனை பெற்று வந்தனராம்.

இம்மடத்தில் கடந்த 21ஆம் தேதி முதல் சிவ ராத்திரி விழா என்று கூறி காலை தொடங்கி நள்ளி ரவு வரை சிறப்பு அபிஷேக பூஜைகள் நடந்தது. தினமும் நூற்றுக்கணக்கான பக் தர்கள் வந்த நிலையில் கடந்த 24ஆம் தேதி முதல் மடாதிபதி தத்தாத்ரேயா சவதூதாவை மடத்தில் காணவில்லை . அவர் எங்கு சென்றார் என்று புரியாமல் அனைவரும் தவித்து வந்தனர். சேவாஷ்ரமத்தில் உள்ள மூலவருக்கு மடத்தில் இருக்கும் சீடர்களே பூஜை செய்து வருகிறார்களாம்.

இதனிடையில் அதே கிராமத்தைச் சேர்ந்த 20 வயது மதிக்கத்தக்க இளம் பெண் ஒருவரும் கடந்த திங்கட்கிழமை முதல் காணாமல் போய் இருந்தார். அவரையும் குடும்பத்தினர் தேடி வந்தனர். இந்நிலையில் 20 வயது இளம்பெண்ணுடன் 45 வயது மடாதிபதி ஓடிப் போனதாக கிராமத்தினருக் குத் தகவல் கிடைத்தது. இது குறித்து கோலார் ஊரக காவல்நிலையத்தில் புகார் கொடுத்துள்ளனர்.

இதனிடையில் அவர்கள் இருவரும் ரகசியமாகத் திரு மணம் செய்து கொண்டுள்ள தகவல் கிராமத்தில் பெரும் கொந்தளிப்பை ஏற்படுத்தி யுள்ளது. மடாதிபதி மற்றும் அவருடன் சென் றுள்ளதாக கூறப்படும் இளம் பெண்ணை காவல்துறையினர் தேடி வருகிறார்கள். இந்த சம்பவம் எவுலியா கிராமம் மட்டுமில்லாமல் அதை சுற்றியுள்ள கிரா மங்களிலும் பரபரப்பை ஏற் படுத்தி, சாமியாரின் காமக் கொடூரத்தை வெட்ட வெளிச்சமாக்கியுள்ளது.

 - விடுதலை நாளேடு, 29.2.20